У расійскім Кемераве сутыкнуліся два трамваі: траўмы атрымалі 90 чалавек
Паводле папярэдніх звестак, у аднаго з іх перасталі дзейнічаць тармазы. Людзі выпадалі з трамвая ў час руху. Трамвай быў беларускім.
У выніку сутыкнення двух трамваяў на Логавай шашы ў расійскім Кемераве пацярпелі 90 чалавек, 67 чалавек шпіталізаваныя, заявіў кіраўнік горада Дзмітрый Анісімаў у тэлеграм-канале. Пазней стала вядома, што ў бальніцы памёр адзін чалавек.
«У гарадскую бальніцу № 3 даставілі 40 пацярпелых, трое знаходзяцца ў цяжкім стане», — сказаў Анісімаў.
У сеціве з'явілася відэа, на якім бачна, як трамвай на вялікай хуткасці ўваходзіць у паварот, у яго адчыненыя дзверы і з салона, падобна, вылятаюць некалькі чалавек.
Акрамя шпіталізаваных, у траўмапункт пасля ДТЗ самастойна звярнуліся 10 чалавек. Для ліквідацыі наступстваў аварыі створаны аператыўны штаб, які ўзначаліў Анісімаў, піша РБК.
Прычыну аварыі высвятляюць следчыя, дадаў мэр. З-за блакавання руху ў раёне ДТЗ улады арганізавалі бясплатныя маршруты, а для сваякоў пацярпелых адкрылі гарачую лінію.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары