Анатоль Куляшоў: «Супрацьстаяння паміж КДБ і міліцыяй не было, няма і не павінна быць».
Міністр унутраных справаў Анатоль Куляшоў на прэс‑канферэнцыі 28 студзеня прызнаўся, што быў дапытаны ў Вярхоўным судзе па так званай «паляўнічай справе».
Гэтая крымінальная справа была заведзеная на групу міліцыянтаў з Гомельскай вобласці. У ёй фігуруюць былыя начальнік галоўнага ўпраўлення па барацьбе з карупцыяй і эканамічнымі злачынствамі МУС Віктар Ермакоў, начальнік УБКіЭЗ УУС Гомельскага аблвыканкама Аляксандр Малаеў, начальнік УБКіЭЗ СН УУС Гомельскага аблвыканкама Дзмітрый Баранаў і начальнік АБКіЭЗ Жлобінскага РАУС Леанід Мінянкоў.
Усе яны абвінавачваюцца ў перавышэнні ўлады (арт. 426 КК). Таксама размова ідзе пра незаконнае паляванне на рысь, якая занесеная ў Чырвоную кнігу.
Дзякуючы сваякам арыштаваных, крымінальная справа атрымала вялікі розгалас. Яны лічаць, што такім чынам супрацоўнікі КДБ зводзяць рахункі з прадстаўнікамі МУС. Гэтую справу ўжо ахрысцілі чарговым актам супрацьстаяння паміж міліцыяй і чэкістамі.
Тым не менш, Анатоль Куляшоў кажа, што ніякага супрацьстаяння паміж гэтымі ведамствамі «не было, няма і не павінна быць».
«КДБ забяспечвае контрвыведную працу МУС. Як бы яна магла адбывацца, калі б існавала гэтае супрацьстаянне. Ніякіх дадзеных, што гэтая крымінальная справа была заведзеная незаконна, няма. Усё адбываецца ў рамках заканадаўства. Вярхоўны суд павінен вынесці справядлівае рашэнне», — сказаў А.Куляшоў.
Пракаментаваў міністр і нядаўнія скандальныя выказванні былога капітана МУС Вячаслава Дудкіна.
«Дудкіна ніхто не шукае. У пошукавых базах яго няма. Хай каментары, што ён раздае, застануцца на ягоным сумленні», — сказаў міністр.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы16
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Каментары