Культура44

На сусветнапрызнаным кірмашы сучаснага мастацтва прадставілі карціны беларускага мастака

19-ая эдыцыя слыннага кірмашу сучаснага мастацтва Volta Basel у Швейцарыі праходзіць не без удзелу беларускага мастацтва — венская галерэя Rodler Gschwenter Gallery прадстаўляе на падзеі творы жывапісца з Барысава Яўгена Шадко.

Пра гэта паведамляе выданне Reform.news.

У праграме сёлетняга кірмашу, які ладзіцца з 10 па 16 чэрвеня, прымаюць удзел больш за 45 галерэй з 24 краін свету. У гэтым годзе форум ладзіцца пад кіраўніцтвам арт-дырэктара Лі Кавальере.

Rodler Gschwenter Gallery, якая прадстаўляе Яўгена Шадко, была заснавана ў 2020 годзе куратаркамі Марынай Родлер і Сюзі Гшвентэр. Яны пазіцыянуюць сваю інстытуцыю як месца для асабістых сустрэч і інтэлектуальнага абмену — месца, дзе ствараецца жывы дыскурс. Галерэя прасоўвае пераважна аўстрыйскіх творцаў, але таксама і аўтараў з усёй Еўропы.

Карціны беларускага мастака, у прыватнасці, галерэя называе далікатнымі і эмацыйнымі, у якіх спалучаецца фігуратыўнасць і абстракцыя.

Яўген Шадко «Мармуровы чалавек».

«Карціны Яўгена Шадко з захапляльнай напружанасцю акцэнтуюць увагу на постаці чалавека ў маладосці[…]

Тонкае спалучэнне фігуры і абстракцыі характарызуе яго творчасць, крыніцай якой часта з’яўляюцца фотаздымкі, зробленыя ім самім. Але тут здымак зліваецца з яго бачаннем, бо яркая ўспышка, якую ён выкарыстоўвае, напаўняе выявы сучаснай эстэтыкай. Героі яго твораў вырваны са сваіх індывідуальных гісторый і змешчаны ў безыменную сферу. Тут падкрэсліваецца іх ізаляванасць і ўразлівасць, і ў той жа час яны знаходзяцца ў цэнтры ўвагі ўяўнай сцэны. Прамяністая гульня колераў на цёмным фоне, навязлівая фактура — усё гэта надае вобразам Шадко адценне нерэальнасці. Меланхолія, якая захапляе, часам трывожыць — захапляльнае спалучэнне», — распавядае пра адметнасць стылю аўтара інстытуцыя.

На Volta Basel жывапіс Яўгена Шадко прадстаўлена разам з творамі трох іншых мастакоў: Дома Сімона (Dom Simon) з Францыі, Тэрэзы Мюлер (Theresa Möller) і Крыстафера Рода (Christoph Rode) з Германіі.

Карціна Яўгена Шадко размешчана на візітоўцы галерэі на арт-кірмашы.

Яўген Шадко «Настальгія».

Адрас галоўнай пляцоўкі Volta Basel — Klybeck 610, Gärtnerstrasse 2.

Венская галерэя, дзе можна ўбачыць карціны беларускага мастака, знаходзіцца на гары 7-мага раёна ў Вене — па адрасе Zollergasse 29.

Каментары4

  • Acabчык Мастацкі
    16.06.2024
    была заснавана ў 2020 годзе куратаркамі Марынай Родлер і Сюзі Гшвентэр

    Акабчык Маленькі даручае любаму чытачу пагугліць ў якім міністэрстве спадарынь прызначылі куратаркамі і колькі бюджэтных грошай выдзялілі на ўвесь гэны баль
  • Acabчык Мастацкі
    16.06.2024
    Acabчык Мастацкі, хопіць тут сеяць нацыянал сацыялізм
  • Индеец
    17.06.2024
    [Рэд. выдалена]

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

Усе навіны →
Усе навіны

Зяленскі павіншаваў Трампа з абраннем кандыдатам ад Рэспубліканскай партыі і назваў яго прэзідэнтам5

30-хвілінны марынад для простага курынага шашлыка6

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

Стары паплечнік Лукашэнкі параўнаў яго з аяталой Хамейні. Параўнанне так сабе2

На Менцы раскапалі ўжо тры рады гакавых драўляных канструкцый ФОТА3

16-гадовая беларуска ўпала з шостага паверха ў Варшаве

Ірына Абельская стала заслужанай доктаркай17

Полк Каліноўскага афіцыйна пацвердзіў замену свайго камандзіра і заявіў пра рэфармаванне20

больш чытаных навін
больш лайканых навін

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

Галоўнае
Усе навіны →