ЗША дазволілі Украіне наносіць удары па расійскай тэрыторыі на малую дыстанцыю, але ў далейшым зняцці абмежаванняў няма патрэбы, заявіў прэзідэнт Джо Байдэн на прэс-канферэнцыі па выніках саміту НАТА.
«Калі б ён (Уладзімір Зяленскі) мог ударыць па Маскве, ударыць па Крамлі, быў бы ў гэтым сэнс? Не было б. Пытанне ў тым, якое лепшае прымяненне для зброі, якая ў яго ёсць, якую мы яму далі», — сказаў Байдэн.
ЗША ў канцы мая дазволілі Украіне выкарыстоўваць атрыманае амерыканскае ўзбраенне супраць цэляў на тэрыторыі Расіі на фоне прасоўвання расійскіх войскаў у Харкаўскай вобласці. Удары можна наносіць не далей за 100 км ад мяжы, таму дазвол не распаўсюджваецца на ключавыя расійскія аэрадромы.
У Дзярждэпартаменце адзначалі, што дазволяць УСУ біць далей — калі Расія «паспрабуе пашырыць гэты фронт», нагадвае РБК.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары