УСУ збілі больш за 50 беспілотнікаў падчас атакі Расіі, якая доўжылася каля 14 гадзін
Паветраныя сілы УСУ адсправаздачыліся аб чарговай расійская паветранай атацы.
![](http://nashaniva.com/img/w840d4webp1/photos/z_2024_08/2024-08-11122739-um8qk.jpg.webp)
Як паведаміў Камандуючы Мікалай Аляшчук, Украіну ноччу і раніцай 11 жніўня атакавалі чатырма балістычнымі ракетамі KN-23 з Варонежскай вобласці і 57-ю ударнымі беспілотнікамі тыпу шахед з раёнаў Прыморска-Ахтарска, Ейска і Курска.
У выніку супрацьпаветранага бою Паветраныя сілы збілі 53 беспілотнікі. Ракеты збіць не ўдалося, але, па словах Алешчука, паўночнакарэйскія ракеты рэдка дасягаюць сваёй мэты. Але разам з тым, нясуць вялікую пагрозу насельніцтву.
Так, адна з ракет упала ў Кіеўскай вобласці, забіўшы двух чалавек: бацьку і сына.
Маніторынгавыя каналы адзначылі, што паветраная атака доўжылася каля 14 гадзін.
Каментары