Швейцарыя ўвяла санкцыі ў дачыненні да 27 грамадзян Беларусі, у асноўным — адказных за рэпрэсіі ў Беларусі, а таксама прапагандыстаў і прадстаўнікоў бізнэсу, піша «Позірк».
У прыватнасці, у спіс уключаныя начальнік ГУБАЗіКа Андрэй Ананенка, ягоныя намеснікі Андрэй Бедункевіч і Дзмітрый Ковач, намеснік начальніка аддзела дзяржаўнага абвінавачвання ўпраўлення Генеральнай пракуратуры па наглядзе за адпаведнасцю закону судовых рашэнняў па крымінальных справах Міхаіл Кавалёў.
Таксама санкцыі ўведзеныя ў дачыненні да начальнікаў Ваўкавыскай ВК № 11 Віктара Дуброўкі, Гродзенскай турмы № 1 Паўла Казакова і ягонага намесніка Васіля Каляды, Гомельскай ВК № 4 Дзяніса Таўсцянкова, мінскага СІЗА № 1 Андрэя Цэдрыка.
Пад санкцыі трапілі 13 суддзяў: Гомельскага абласнога суда Анатоль Сотнікаў і Аляксей Хлышчанкаў, Магілёўскага абласнога суда Ігар Шведаў і Ігар Зямцоў, Гродзенскага абласнога суда Васіль Скок, Мінскага абласнога суда Вячаслаў Тулейка, Мінскага гарадскога суда Алена Ананіч, суда Фрунзенскага раёна Мінска Андрэй Млечка, суда Ленінскага раёна Мінска Таццяна Шоцік, суда Рэчыцкага раёна Станіслаў Іванюценка, суда Маладзечанскага раёна Вольга Дубовік, суда Бабруйскага раёна і горада Бабруйска Антон Дудаль і суда Жлобінскага раёна Мікалай Сергеевіч.
Таксама трапілі ў санкцыйны спіс Швейцарыі гендырэктарка БелТА Ірына Акуловіч і галоўны рэдактар выдавецкага дома «Беларусь сегодня» Дзмітрый Жук, карэспандэнт АНТ Аляксей Краквін, старшыня моладзевай рады (парламента) пры Нацыянальным сходзе Мікіта Рачылоўскі і набліжаны да Аляксандра Лукашэнкі бізнэсмен Віктар Шаўцоў.
ЕС забараніў увоз у Беларусь сэканд-хэнду. МЗС пракаментавала
У Літве выкрылі схему абыходу санкцый з удзелам Беларусі на мільёны еўра
Канада ўвяла санкцыі супраць Колі Лукашэнкі
ЗША ўвялі новыя санкцыі супраць беларускіх прадпрыемстваў, звязаных з ВПК
Праваабаронцы: Пад новыя санкцыі Вялікабрытаніі трапілі начальнікі калоній, якія асабіста аказвалі ціск і збівалі палітвязняў
«Таня, мы з табой!» Улады запусцілі флэшмоб у падтрымку жанчыны ў чырвона-зялёным ВІДЭА27
Каментары