Ежа1313

Усяго дзве вараныя бульбіны ў дзень могуць дапамагчы жыць даўжэй

Да такіх высноў прыйшлі навукоўцы з Нарвегіі.

Бульба ў мундзірах. Крыніца: belstrava.art-school-four.by

Бульбу часта не лічаць карыснай гароднінай. Нарвежскія вучоныя сцвярджаюць адваротнае.

Як піша Sciencenorway, буйное даследаванне правялі навукоўцы з Універсітэта Осла і Нарвежскага інстытута грамадскага харчавання. Яны сабралі даныя апытання насельніцтва (77 297 чалавек) аб звычках харчавання, якое праводзілася на працягу 1974-1988 гадоў. Затым праз 40 гадоў даследчыкі звязалі ўдзельнікаў апытання з Рэгістрам прычын смерці (27 848 выпадкаў).

Даследаванне паказала, што ў тых, хто еў не менш за дзве бульбіны ў дзень у 1970-80-я гады, смяротнасць на працягу наступных 40 гадоў аказалася на 12% ніжэйшай у параўнанні з тымі, у каго бульбы не было кожны дзень у рацыёне.

У даследаванні ўлічваліся такія фактары, як узрост, пол, курэнне, фізічная актыўнасць, спажыванне мяса, рыбы, масла ці маргарыну. Вынікі былі аднолькавымі як для жанчын, так і для мужчын, а таксама не залежалі ад вагі, курэння і фізічных практыкаванняў.

Даследаванне, вынікі якога апублікаваныя ў часопісе Nutrition, таксама паказала, што рэгулярнае ўжыванне бульбы суправаджаецца нізкай смяротнасцю ад хвароб сэрца.

Як тлумачаць аўтары, на кожныя 100 грамаў больш высокага спажывання бульбы рызыка смяротнасці ад сардэчна-сасудзістых захворванняў зніжалася на 4%. Яны заўважаюць, што ўзровень смяротнасці ў аматараў бульбы быў прыкладна такім жа, як і ў тых, хто шмат спажываў гародніну ў цэлым.

Навукоўцы адзначаюць, што важны спосаб прыгатавання. Карысная менавіта вараная бульба, якая мае нізкі глікемічны індэкс і асабліва багатая пажыўнымі рэчывамі.

Аўтары звяртаюць увагу, што амаль выключна ў такім выглядзе ў Нарвегіі бульба і спажываецца.

Каментары13

  • Satan
    29.08.2024
    Дык там яшчэ і бочэк. Бочэк з земнякамі кнч добра)
  • Человек
    29.08.2024
    Батька давно об этом говорил
  • Жвір
    29.08.2024
    А, забыў дадаць, тапінамбур(!) яшчэ добра падоўжыць жыцьцё беларусам. Рэдкая цяпер расьліна, мала каму знаёмая, але надзвычай карысная, як людзям, так і сьвіньням. А як вядома, найбольшае падабенства людзі маюць з сьвіньнямі.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць