Мелказёраў: У мяне расплюшчваліся вочы, што мы ніякія не рускія са знакам якасці. Але прымушаць да беларускасці не атрымаецца
«У мяне таксама быў перыяд, калі мяне «пакусаў Зянон».
Блогер Мікіта Мелказёраў у ютуб-праекце «Ператрэм з Халезіным» падзяліўся сваім поглядам на шляхі папулярызацыі беларускасці.
«Мне б вельмі хацелася наконт прапаганды беларускага не быць таксічным», —
адзначыў Мелказёраў і расказаў, што ў яго быў перыяд, калі ён выказваў радыкальныя погляды адносна шляхоў пашырэння беларускай мовы і культуры.
«У мяне таксама быў перыяд, калі я дазнаваўся. У мяне расплюшчваліся вочы, што мы ніякія не рускія са знакам якасці. Я разумею, якая гэта агулам атрута, наколькі якасная атрута. І зразумела, у мяне здарыўся перыяд, калі мяне, як я гэта называю, «пакусаў Зянон» і пачалася агрэсія, што мы сваімі рукамі нібыта здаём гэтую краіну. І з-за палітычнай кан'юнктуры мы супер блізка падышлі да гэтай мяжы», — расказвае Мелказёраў.
«Я разумею, што так ты Беларусь беларусам не прадасі. (…) Я разумею, што прымушаць, трэсці неяк, што мы беларусы, давай размаўляй па-беларуску, давай глядзі беларускі ютуб, давай глядзі беларускія кніжкі, не атрымаецца. Таму проста спакойна, шляхетна, стылёва паказваць, што гэта ёсць.
Я, на шчасце ці на жаль, не міністэрства прапаганды ці міністэрства беларушчыны новай ці нейкай старой Беларусі. Я займаюся сваім кантэнтам і, як казаў Макс Корж, «просто делаю свое музло».
Мелказёраў заўважыў, што калі пачынаў новы праект па гісторыі, то яму было важна, каб ён не быў такі, як шмат праектаў да гэтага — калі добрая інфармацыя ў кепскай падачы.
«Агулам у беларускага (гэта таксама навязана) быў такі шлейф чагосьці сялянскага (хаця не бачу ніякай праблемы ў сялянстве, гэта таксама можа быць шляхетна, трэба любіць свае карані), але чагосьці маргінальнага. (…) Не, класнае можа быць беларускае. Абсалютна».
Мелказёраў адзначыў, што яму падабаюцца праекты, якія паказваць, наколькі беларусы крутыя.
Цяпер чытаюць
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі23
Каментары