Герой Расійскай Федэрацыі, лётчык-снайпер Ігар Радабольскі памёр ва ўзросце 64 гадоў.
Радабольскі быў верталётчыкам, прайшоў Афганскую вайну, а таксама дзве чачэнскія кампаніі. Агулам праслужыў 30 гадоў: спачатку ў Савецкай арміі, потым — ва Узброеных сілах РФ, піша «Спутнік».
Акрамя звання Героя РФ, меў таксама тры Ордэны мужнасці, два ордэны Чырвонай Зоркі, ордэн «За ваенныя заслугі» і іншыя ўзнагароды. Прычым ён быў уладальнікам максімальнай колькасці дзяржузнагарод, атрыманых адным расійскім вайскоўцам.
Радабольскі нарадзіўся ў Гродне ў 1960 годзе. Жыў у Наваполацку. У школьныя гады займаўся ў Віцебскім аэраклубе ДТСААФ. У 1983 з адзнакай скончыў Сызранскае вышэйшае ваеннае авіяцыйнае вучылішча лётчыкаў.
У арміі пачынаў штурманам верталёта Мі-8, а потым яму даверылі камандаваць паветраным суднам такога тыпу. Два разы быў у працяглых камандзіроўках у Афганістане. Таксама выконваў задачы ў складзе кантынгенту місіі ААН у Камбоджы ў пачатку 1990-х.
З улікам кампаній у Чачні Радабольскі здзейсніў звыш 1700 баявых вылетаў. Эвакуяваў з поля бою некалькі сотняў вайскоўцаў. Акрамя таго, выконваў гуманітарныя місіі падчас стыхійных бедстваў, у тым ліку вывез цяжка хворае дзіця з чачэнскага аула ў складаных метэаўмовах.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву1
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары