У шоу Салаўёва прызналі, што шанцы Расіі на перамогу ў рэальным супрацьстаянні з НАТА роўныя нулю
«Любое супрацьстаянне магчыма толькі з ужываннем ядзернай зброі».
У сваёй чарговай перадачы прапагандыст Уладзімір Салаўёў задаў пытанне ваеннаму эксперту, палкоўніку запасу Міхаілу Хадаронку аб тым, наколькі магчыма супрацьстаянне Расіі і блока НАТА.
«Супрацьстаянне блоку НАТА з канвенцыянальнай зброяй з пункту гледжання яго перавагі ў звычайных сродках вядзення ўзброенай барацьбы будзе вельмі нявыгадным [для Расіі]», — заявіў Хадаронак.
Ён патлумачыў такое паняцце як асноўны закон вайны — ход і вынік узброенай барацьбы вызначаецца сукупнымі ваенна-эканамічнымі патэнцыяламі бакоў.
Палкоўнік прызнаў, што НАТА «на парадак, а па некаторых паказчыках і на два, на тры» перавышае ўзброеныя сілы Расіі.
«Уступаць у такое супрацьстаянне толькі з канвенцыянальнымі сродкамі паражэння для нас зусім бесперспектыўна. Таму, як мне ўяўляецца, любое супрацьстаянне з блокам НАТА магчыма толькі з ужываннем ядзернай зброі. Іншага варыянту няма»,
— закончыў сваю думку Хадаронак.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай92
Каментары