У Пецярбургу курсант Вайсковай акадэміі забіў жанчыну, прыняўшы яе слыхавы апарат за шпіёнскую прыладу
Вайсковы суд у Санкт-Пецярбургу арыштаваў курсанта мясцовай Вайсковай акадэміі Мікалая Ціханава, якога абвінавачваюць па артыкуле аб забойстве, паведаміла прэс-служба гарадскіх судоў. Абставіны забойства вельмі незвычайныя.
Паводле версіі следства, Ціханаў 22 верасня праз сварку збіў жанчыну да смерці. У судзе ён адмовіўся даваць паказанні.
Расійскія тэлеграм-каналы са спасылкай на крыніцы прыводзяць некаторыя падрабязнасці. Паводле іх інфармацыі, 28-гадовы Мікалай Ціханаў — курсант Вайсковай акадэміі імя Мажайскага. 22 верасня ён пазнаёміўся ў начным клубе з 41-гадовай жанчынай са слабым слыхам, а пасля клуба яны паехалі дадому.
Калі пара засталася сам-насам, курсант нібыта прыняў гук слыхавога апарата за гуказапісвальную прыладу. Як сцвярджае тэлеграм-канал «78», жанчына сказала, што яна іншаземка, а таксама запыталася ў Ціханава пра вайсковую службу. Праз гэта ён вырашыў, што яна ўкраінская шпіёнка, і забіў яе.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго7
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары