Ізраільскі ўдар па цэнтры Бейрута: ліванскія ўлады паведамілі пра шэсць загінулых
Прынамсі шэсць чалавек загінулі ў выніку ізраільскага авіяўдару па цэнтры Бейрута ў сераду ўвечары, паведамляе Міністэрства аховы здароўя Лівана. У заяве ведамства гаворыцца, што раненні атрымалі 11 чалавек, піша Бі-бі-сі.
Армія абароны Ізраіля раней паведаміла, што нанесла дакладны ўдар па аб'екце групоўкі «Хезбала» ў Бейруце.
Як паведамляюць ліванскія крыніцы, у выніку ўдару быў пашкоджаны медыцынскі цэнтр, які належыць «Хезбале».
Тры выбухі таксама прагрымелі на поўдні Бейрута, за імі былі яшчэ два выбухі.
Будынак знаходзіцца ў раёне Эль-Башура побач з парламентам Лівана і рэгіянальнай штаб-кватэрай ААН.
Першы ўдар па цэнтры Бейрута ізраільская армія нанесла ў ноч на панядзелак, да гэтага яна ў асноўным атакавала паўднёвыя ўскраіны горада, дзе сканцэнтраваны аб'екты «Хезбалы».
Ізраільскія вайскоўцы ўначы зноў выпусцілі папярэджанне для жыхароў некаторых раёнаў на поўдні ліванскай сталіцы аб неабходнасці пакінуць іх у сувязі з тым, што ЦАХАЛ плануе наносіць па іх удары.
«Вы знаходзіцеся паблізу аб'ектаў, якія належаць «Хезбале», супраць якіх войска будзе дзейнічаць найбліжэйшым часам», — заявіў прадстаўнік Войска абароны Ізраіля Авіхай Адраі.
Міністэрства аховы здароўя Лівана паведаміла, што за апошнія суткі ў выніку ізраільскіх удараў загінулі 46 чалавек, 85 атрымалі раненні.
Хто тая жанчына, якую Марзалюк у эфіры БТ абазваў «шваллю з Гродна», і што яна піша ў чатах? Расказваем пра доктарку Стэфановіч23
Каментары