Беларуска здае патэльні назад у крамы праз год пасля карыстання
Дзяўчына выклікала бурныя абмеркаванні ў тыктоку пасля таго, як падзялілася лайфхакам, як мяняць старыя патэльні на новыя. Паводле яе слоў, яна паспяхова вярнула грошы за патэльню, якой карысталася год, і купіла на іх новую, піша Onliner.by.
Але не ўсе падпісчыкі ацанілі такі падыход, назваўшы яго «нахабствам».
У роліку дзяўчына распавяла, што праз год патэльня пачала прыгараць. Паколькі гарантыя яшчэ дзейнічала, яна звярнулася ў краму з патрабаваннем вярнуць грошы. Атрымаўшы кампенсацыю, яна набыла новую патэльню. Як высветлілася, гэта ўжо не першы раз: год таму іншая патэльня прыгарала праз усяго два месяцы — і крама таксама вярнула грошы.
Некаторыя людзі дагэтуль блытаюць спажывецкі экстрэмізм з тым, што грамадзяне проста ўмеюць карыстацца сваімі правамі. Вось як на такую ініцыятыву адрэагавалі ў каментарах: «Колькі нахабных людзей, якія любяць халяву! І што самае цікавае — не з бедных»
Аўтар роліка ў сваю абарону сцвярджае, што нахабствам з'яўляецца продаж няякасных тавараў, а яе падыход — гэта проста захаванне гарантыйных правоў.
«Гэта нармальна, калі крама выконвае свае абавязацельствы», — упэўнена заявіла яна.
Цяпер чытаюць
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком10
Каментары
Советскую одежду и приборы до сих пор на дачах используют, а тканевые пятки в любой современной обуви протираются за пару месяцев. В любой ремонтной мастерской есть прайс на "стандартные" услуги по устранению дефектов, известных производителям.