Аўто на мінскім праспекце ўляцела ў святлафор і перакулілася ВІДЭА
Аварыя здарылася ў сталіцы на праспекце Машэрава каля дома №76а.
Фота тут і далей: УДАІ ГУУС Мінгарвыканкама
Паводле папярэдняй інфармацыі, 34-гадовы кіроўца Toyota ўвечары нядзелі 6 кастрычніка ехаў па праспекце і не справіўся з кіраваннем. Мужчына наехаў на святлафор, пасля чаго яго аўтамабіль перакуліўся, паведамляе ДАІ Мінска.
У выніку ДТЗ кіроўца атрымаў цялесныя пашкоджанні і быў дастаўлены ва ўстанову аховы здароўя для абследавання.
На месцы інцыдэнту працуюць супрацоўнікі аддзела ДАІ Цэнтральнага РУУС г. Мінска і раённага аддзела па НС.
Каментары