Памёр абаронца «Панатынікаса» і зборнай Грэцыі Джордж Болдак. 31-гадовага мужчыну знайшлі ў басейне яго дома на ўскрайку Афінаў. Абставіны яго смерці пакуль невядомыя.
На целе Болдака не было ніякіх пашкоджанняў. Смерць наступіла за некалькі гадзін да таго, як яго знайшлі. Прычына смерці будзе ўстаноўлена пасля ўскрыцця, піша football.by.
Болдак нарадзіўся ў Англіі, але дзякуючы свайму паходжанню выступаў за зборную Грэцыі, за якую правёў 12 матчаў. Апошні раз у складзе «элінаў» абаронца выходзіў на поле ў матчы плей-оф за выхад на Еўра-2024.
Гэтым летам Болдак упершыню далучыўся да клуба з Грэцыі. Пасля сямі сезонаў у «Шэфілд Юнайтэд» ён перайшоў у «Панатынікас». За афінскі клуб Балдок паспеў правесці ўсяго чатыры сустрэчы. 6 кастрычніка ён сыграў у матчы Суперлігі супраць «Алімпіякаса» (0:0).
Памерлага 52-гадовага аўтаслесара з Віцебска год таму страшна збілі міліцыянты5
Каментары