Міністр абароны Ізраіля паабяцаў, што атака на Іран будзе «смяротнай, дакладнай і нечаканай»
Ізраільская Рада бяспекі сёння абмяркуе магчымы ўдар у адказ па Іране.
Пасяджэнне запланаваў прэм’ер-міністр Біньямін Нетаньягу. Паводле інфармацыі журналістаў, кіраўнік урада патрабуе адабрэння Рады бяспекі для прыняцця канкрэтных рашэнняў аб ваенным адказе на дзеянні Тэгерана, піша Bild.
На мінулым тыдні Іран выпусціў па Ізраілі каля 200 ракет, аднак гэтая атака не прывяла да значных разбурэнняў. Акрамя таго, урад у Тэгеране актыўна падтрымлівае тэрарыстычную арганізацыю «Хезбала» ў Ліване і еменскіх хусітаў, якія рэгулярна атакуюць Ізраіль.
«Любы, хто паспрабуе нашкодзіць дзяржаве Ізраіль, заплаціць сваю цану. Наша атака на Іран будзе смяротнай, дакладнай і нечаканай», — заявіў міністр абароны Ізраіля Ёаў Галант.
Напярэдадні Нетаньягу ўпершыню за апошнія два месяцы пагаварыў па тэлефоне з прэзідэнтам ЗША Джо Байдэнам. Верагодна, размова якраз была прысвечана магчымаму ўдару Ізраіля па Іране.
Памерлага 52-гадовага аўтаслесара з Віцебска год таму страшна збілі міліцыянты10
Каментары
Ў 1979 годзе рэлегійныя фанатыкі дацягліся да ўлады і зьняволілі колькі там мільёнаў. Пастрожылі статут ўнутранага пражываньня ў вязьніцы ну і паразытуюць, зьдзекуюцца і часам забіваюць суседзяў.
Суседзкі пахан абвясьціў, што лясьне па паханах Ірану ў помсту і перадухіленьне такіх набегаў (не паглыбляцьмемся, хто там першы пачаў).
Пакуль ляскае - затаўчэ хN паняволеных фундамэнталістамі.
Ну і тут агрэгаваныя няісныя мітычныя істоты дапамагаюць абгрунтаваць зьнішчэньне мірных людзей абодвум варагуючым паханам:
•Ізраіль ваюе з Іранам - кожны прыгонны ў гэтай парадыгме Піфонава галава, якая пнецца грызануць Пэрсэя, якую сьлед адсекчы і прыпаліць абрубак.
•Габрэі(жыды) вэрсуз іранцы(пэрсы) - тое што і вышэй, але нібыта ня пашпартыскін штамп агрэгуе і гамаганэзуе чалавекамасу, а нейкія іншыя чыньнікі, якіх, праўда, мітатворцы не даўмеліся фармалізаваць ў народ(нацыю)
Вышэйзгаданыя аблудныя міты, штогалрўнае, наймацней падтрымліваюць і пашыраюць паханы прыгонных. Ім трэба залучыць ў свой разбой на сваім баку якнайболей чалавекагалоў.
Веру ў любага чытача, што ён ня ўзіраецца на чалавека з хібнай дэдукцыяй як на частку нацыянальнага/дзяржаўнага статку з аўтапераносам ўласьцівасьцяў статку на кожнага праштампаванага таўром, але на кожнага як на асобу, ацэньвае ўчынкі і чалавечыя якасьці без цемрашальскіх нацыяналістычных забабонаў