Жонка прынца Гары вельмі баялася страціць дзяцей падчас цяжарнасці, калі на яе пастаянна выліваліся тоны бруду. Яна хоча аб'яднаць тых, хто пацярпеў ад падобнага.
Маркл прызналася, што нянавісць у яе адрас проста лілася з сацсетак, калі яна выношвала Арчы і Лілі. Пра гэта піша быртанскае выданне Daily Mail.
Герцагіня заўсёды блізка да сэрца прымала каментары на свой адрас, таму ёй складана справіцца з абразамі і хэйтам. Меган не выключае, што гармоны таксама аказалі ўплыў на яе стан.
«Вы проста падумайце пра гэта і задумайцеся пра тое, чаму людзі могуць быць такімі ненавіснымі. Гэта не проста здзек, гэта жорсткасць. Навошта гэта рабіць, калі жанчына цяжарная ці толькі нарадзіла, гэта ж такі далікатны і святы час», — сказала жонка прынца Гары.
Маркл адзначыла, што зараз спрабуе дыстанцыявацца ад хэйта і сацсетак дзеля ўласнага дабрабыту.
Гэтыя адкрыцці Меган невыпадковыя. Уся справа ў тым, што герцаг і герцагіня запусцілі ініцыятыву, накіраваную на забеспячэнне бяспекі дзяцей у інтэрнэце, пад назвай «Сетка бацькоў».
На сайце іх фонду пазначана: «Кожны з нас перажыў нешта, што ніводны бацька не павінен адчуваць, і наша місія — не даць нікому іншаму пакутаваць так, як мы».
Меган і Гары запрашаюць далучыцца ўсіх, хто страціў дзіця ці чые дзеці сутыкаюцца з кібербулінгам і іншымі траўмамі, звязанымі з выкарыстаннем сацсетак.
Прабеларускія лукашысты яднаюцца супраць прарасійскіх21
Прабеларускія лукашысты яднаюцца супраць прарасійскіх
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі1010
Каментары
- А вы на шкаф залезте ….»