Сацыял-дэмакраты па выніках двух тураў могуць разлічваць на 52 месцы ў парламенце з 141.
Сацыял-дэмакратычная партыя Літвы перамагла па выніках другога туру парламенцкіх выбараў, які прайшоў у нядзелю, і цяпер мае намер сфармаваць кіроўную кааліцыю. У першым туры два тыдні таму партыя таксама заняла першае месца, піша Бі-бі-сі.
Па даных Галоўнай выбарчай камісіі Літвы, сацыял-дэмакраты па выніках двух тураў могуць разлічваць на 52 месцы ў парламенце з 141.
Партыя, якая апошнія гады была ў апазіцыі, разглядае магчымасць стварэння трохпартыйнай кааліцыі з дэмакратычным саюзам «У імя Літвы» і Саюзам сялян і зялёных.
Кіроўная зараз партыя кансерватараў «Саюз Айчыны — хрысціянскія дэмакраты Літвы» атрымлівае 28 мандатаў. Яе лідар Габрыэлюс Ландсбергіс ужо павіншаваў сацыял-дэмакратаў з перамогай.
«Сапраўды моцны выступ. Я жадаю адказнага ўрада, адказнага падыходу, я не сумняваюся, што недахопу ў гэтым няма», — сказаў ён.
Лідар сацыял-дэмакратычнай партыі, дэпутат Еўрапарламента Вілія Блінкявічуце, якую ў штабе сустракалі кветкамі і апладысментамі, падзякавала грамадзянам Літвы за падтрымку.
«Вынікі выбараў паказалі, што народ Літвы хоча пераменаў, яму патрэбны зусім іншы ўрад», — сказала яна.
Блінкявічуце, як чакаецца, пакіне пасаду чальца Еўрапарламента і ўзначаліць урад Літвы, аднак сама яна на пытанні журналістаў з гэтай нагоды пакуль адказвае ўнікліва.
«Мы абмяркуем гэта ў партыі. Мы ўзважым усе за і супраць. Паглядзім, якая будзе большасць, з чаго яна складаецца — і тады будуць пастановы», — сказала яна, дадаўшы, што пастановы будуць прынятыя на гэтым тыдні.
Вілія Блінкевічуце неаднаразова заяўляла, што замежная палітыка Літвы не зменіцца, а дапамога Украіне застанецца прыярытэтам для ўладаў.
Цяпер чытаюць
Місію дэмакратычных сілаў Беларусі ва Украіне ўзначаліла Вольга Зазулінская5
Місію дэмакратычных сілаў Беларусі ва Украіне ўзначаліла Вольга Зазулінская
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары