Латвія заявіла пра парушэнне сваёй паветранай прасторы самалётамі з Беларусі
На мінулым тыдні, калі ў Латвіі працягвалася місія НАТА па патруляванні паветранай прасторы краін Балтыі, падчас палётаў былі заўважаныя расійскія і беларускія самалёты. Пра гэта паведамілі 25 лістапада Узброеныя сілы Латвіі, піша «Радыё Свабода».
24 лістапада падчас палётаў патрульнай місіі былі зафіксаваныя два грамадзянскія беларускія самалёты, якія ненадоўга заляцелі ў паветраную прастору Латвіі, пасля чаго вярнуліся ў Беларусь. Падрабязнасці інцыдэнту Узброеныя сілы Латвіі не паведамляюць.
Таксама ў перыяд з 18 па 24 лістапада патрульная місія заўважыла расійскія вайсковыя самалёты, гаворыцца ў паведамленні.
Увогуле падчас місіі НАТА па патруляванні паветранай прасторы краін Балтыі ў Латвіі з сакавіка па лістапад, з вайсковай базы «Ліелвард» 54 разы ўздымаліся знішчальнікі ў адказ на сігналы трывогі, паведамляе латвійскае выданне tv3.lv.
Члены NATO патрулююць паветраную прастору Латвіі, Літвы і Эстоніі на ратацыйнай аснове з сакавіка 2004 года, калі краіны Балтыі ўвайшлі ў альянс.
Цяпер чытаюць
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі3
Каментары