Каранцін уведзены ў дамах у розных раёнах сталіцы.
Мінская гарадская ветэрынарная станцыя выявіла выпадкі шаленства ў жывёл і ўвяла каранцін у чатырох дамах у Мінску.
Вестанцыя паведаміла пра гэта ветэрынарным клінікам, піша Tochka.by.
Лабараторна пацверджанае заражэнне ў катоў і аднаго кажана. Жывёлы не былі прышчэпленыя. Абследаванне праходзіла з 6 па 16 лістапада.
Каранцін увялі ў чатырох дамах Мінска:
- у Заводскім раёне па вул. Пляханава, 1 і Байкальскай, 3
- у Савецкім раёне па вул. Леаніда Бяды, 45
- у Маскоўскім раёне па вул. Голубева, 14.
У ветстанцыі Маскоўскага раёна пацвердзілі выпадак заражэння на сваёй тэрыторыі. Там адзначылі, што жыхарам суседніх дамоў няма пра што непакоіцца. Галоўны сродак прафілактыкі — прышчэпка ад шаленства для хатняй жывёліны.
Паводле даных Мінскай гарадской ветэрынарнай станцыі, у сталіцы за гэты год было зафіксавана 17 выпадкаў шаленства: 3 — у лісаў, 5 — у кажаноў, 5 — у хатніх катоў, 1 — у сабакі, па адным — у дэкаратыўнага пацука, вожыка і дзікай куніцы.
У Жодзіне шалёны бяздомны кот пакусаў свойскага сабаку
У Барысаве работнікі мэблевай фабрыкі гуляліся з вавёркай, а яна аказалася шалёнай
У пасёлак пад Магілёвам прыйшоў янотападобны сабака
За тыдзень у Беларусі больш за 70 чалавек маглі заразіцца шаленствам
Беларуска падабрала на вуліцы ваверчаня. Як выявілася, дарма
Цяпер чытаюць
Хто тая Аліна, з якой Лукашэнка танцаваў гэтым разам на навагоднім балі22
Каментары