Некаму сілком усунулі хабар, а пасля пасадзілі. Некага пабілі ў міліцыі на допыце. Яшчэ хтосьці ўжо сам даваў хабар, каб адкупіцца ад «крыміналкі».
Некаму сілком усунулі хабар, а пасля пасадзілі. Некага пабілі ў міліцыі на допыце. Яшчэ хтосьці ўжо сам даваў хабар, каб адкупіцца ад «крыміналкі».
Іншага прымусілі на працы напісаць заяву «па ўласным жаданні»… А на слыху толькі «палітычныя справы». Бо актывісты апазіцыі маюць смеласць гучна гаварыць пра пераслед. Астатнія ціха плацяць, сядзяць, сыходзяць з працы…
Няправільна ацэньваць лукашызм як сістэму, пры якой асноўная большасць задаволеная.
Большасць — дзіка запалоханая.
Кожны адчувае сябе сам‑насам з чынавенскай махінай. Толькі яна кукожыцца, калі натыкаецца на людскую салідарнасць або трапляе на святло. Калектыўны ліст настаўнікаў можа памагчы калегу застацца на працы. Артыкул у газеце пра здзекі на допыце — пацягнуць службовае расследаванне.
Толькі важна зрабіць гэты першы крок — да публічнасці.
Каментары