Суд у Грузіі прысудзіў да 9 гадоў пазбаўлення волі былога прэзідэнта Міхаіла Саакашвілі па справе аб крадзяжы бюджэтных сродкаў на 9 мільёнаў лары (каля $3,2 мільёна), піша Mtavari.tv.
Справа тычыцца крадзяжу бюджэтных сродкаў у асабліва буйным памеры. Суддзя Бадры Качламазашвілі нядаўна абвясціў гэтае рашэнне.
Разам з Саакашвілі судзілі Тэймураза Джанашыя — былога кіраўніка спецыяльнай службы дзяржаўнай аховы. Яго прысудзілі да выплаты штрафу ў памеры 300 000 лары.
Абодвум падсудным былі прад'яўленыя абвінавачванні па частцы другой і частцы трэцяй артыкула 182 Крымінальнага кодэкса, якая мае на ўвазе незаконнае прысваенне буйных сум грошай групай асоб з выкарыстаннем свайго службовага становішча па папярэдняй змове. Падсудныя абвінавачваліся ў растраце бюджэтных сродкаў на суму 9 мільёнаў лары.
Міхаіла Саакашвілі затрымалі ў кастрычніку 2021 года, калі ён вярнуўся будучы ў вышуку ў Грузію напярэдадні парламенцкіх выбараў і потым асудзілі на тры гады зняволення, потым яшчэ на тры.
Доўгі час ён знаходзіцца ў турэмным шпіталі.
-
Слон з мёртвым сланянём, каёт у Сан-Францыска, пума на агароджы… Вось якія работы сталі сёлетнімі пераможцамі конкурсу «Фатограф года дзікай прыроды»
-
Ілан Маск: Starlink нельга выкарыстоўваць для наступальных дзеянняў, а хуткасць і параметры вайсковых тэрміналаў вызначаюць Пентагон і Трамп
-
Для ўезду ў Казахстан беларусам трэба будзе запытваць пропуск за тры дні
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары