МТБанк і Альфа Банк папярэджваюць аб актывізацыі махляроў, якія прапануюць патэнцыйным ахвярам ад імя гэтых банкаў танныя крэдыты і выгадныя ўмовы для індывідуальных прадпрымальнікаў. Пра гэта распавядае «Спутнік».
Ашуканцы завабліваюць ахвяр «выгаднымі» банкаўскімі ўмовамі. Ад імя МТБанка ў фэйкавых акаўнтах сацсетак зламыснікі размяшчаюць інфармацыю аб спажывецкім крэдыце пад 9,99% гадавых.
Акрамя таго, за ўдзел у акцыях і апытаннях прапануюць пералічыць на карту грошы і клікнуць на фішынгавую спасылку. Пры пераходзе па ёй ашуканцы атрымліваюць доступ да персанальных дадзеных карыстальнікаў.
Ад імя Альфа Банка ашуканцы прапануюць з дапамогай праекта «Банк для бізнэсу» атрымаць разлікі з выкарыстаннем сэрвісаў Apple Pay і Samsung Pay. На справе гэта таксама аказваецца схемай крадзяжу асабістых дадзеных патэнцыйнай ахвяры.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна10
Каментары