Віленскія сьледчыя абвінавацілі заснаваную Віктарам Успаскіх Партыю Працы ў фінансавых злоўжываньнях, дэпартамэнт дзяржбясьпекі вывучае сувязі з расейскімі спэцслужбамі
Віктар Успаскіх схаваўся ў Маскве і ўжо некалькі месяцаў не зьяўляецца на допыты. Прычына простая – віленскія сьледчыя абвінавацілі заснаваную ім Партыю Працы ў фінансавых злоўжываньнях. Апроч таго, дэпартамэнт дзяржбясьпекі вывучае абвінавачваньні ва атрыманьні некаторымі ўплывовымі дзеячамі Партыі Працы фінансавай дапамогі ад расейскіх спэцслужбаў.
Папулісцкая – і ўсё яшчэ самая папулярная ў Літве – Партыя Працы выйграла парлямэнцкія выбары ў 2004 г. (39 мандатаў у парлямэнце з 141 месца), выкарыстаўшы расчараваньне літоўцаў палітыкай, якое асабліва ўзмацнілася пасьля скандалу вакол прэзыдэнта Раландаса Паксаса. Паксаса пазбавілі пасады ў 2004 г. Нагодай для імпічмэнту былі абвінавачваньні, што тычыліся сувязяў Паксаса з расейскімі злачыннымі і бізнэс-структурамі, што фінансавалі яго выбарчую кампанію.
Праўда, групоўка Віктара Ўспаскіх падчас выбараў антырасейскімі лёзунгамі не выхвалялася, а праціўнікі да сёньняшняга дня называюць іх партыяй прарасейскіх міліянэраў. Пасьля перамогі на выбарах Успаскіх ня стаў прэм’ерам, бо палітычныя эліты Літвы не давяралі яму з-за яго расейскага паходжаньня, сувязяў і нехаванай прамаскоўскай арыентацыі. Партыя Працы ж ўвайшла ўва ўрадавую кааліцыю, а сам Успаскіх у 2004 г. стаў міністрам гаспадаркі.
Год пазьней парлямант адхіліў яго з гэтай пасады, калі высьветлілася, што ён хлусіў у справе сваёй выдуманай вышэйшай адукацыі. Партыя Працы лічыць абвінавачваньні да свайго заснавальніка і былога кіраўніка, а таксама іншых партыйных уплывовых асобаў палітычнай правакацыяй.
Генпракуратура ня вызначыла дакладна, ці Успаскіх абвінавачваецца толькі ў фінансавых фальсыфікацыях, ці таксама падазраецца ў нелегальных сувязях з расейскімі лабістамі ці нават спэцслужбамі.
Выдача былога міністра ў Літву, хутчэй, мала імаверна.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў7
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары