Злодзей залез у кватэру праз дах, спусціўшыся ў кватэру праз паверх на вяроўцы
У Чашніках у міліцыю звярнуўся 70-гадовы жыхар Новалукомля з заявай аб крадзяжы з кватэры. Знікла больш за 22 тысячы даляраў, каля трох тысяч еўра і ювелірныя вырабы.
Аператыўнікі ўстанавілі асобу і затрымалі падазраванага — 55-гадовага мясцовага жыхара. Мужчына раней працаваў у фірме, дзе пацярпелы быў намеснікам дырэктара, паведамляе «Міліцыя Віцебшчыны».
Зламыснік меркаваў, што былы кіраўнік захоўвае дома буйную суму грошай — падрыхтоўка да крадзяжу доўжылася каля месяца.
Дачакаўшыся ад’езду ахвяры ў Мінск, злодзей уначы ўзняўся на дах пяціпавярховага дома, з дапамогай вяроўкі спусціўся на чацвёрты паверх, разбіў шклопакет, пранік у кватэру і вынес каштоўнасці.
Скрадзенае схаваў у тайніку за 20 кіламетраў ад свайго дома. Большая частка каштоўнасцей знойдзена і будзе вернута.
Следчыя распачалі крымінальную справу за крадзеж у асабліва буйным памеры. Затрыманаму пагражае да 12 гадоў пазбаўлення волі. Раней мужчына быў судзімы за крадзяжы і ўгоны аўтатранспарту.
Цяпер чытаюць
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна26
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу1818
Каментары