Кіраўнік лукашэнкаўскай ЦВК Ігар Карпенка, выступаючы ў праграме міністра інфармацыі Марата Маркава «Марков. Ничего личного» на АНТ, расхвальваў беларускую выбарчую сістэму і цешыўся з таго, як гладка, на ягоную думку, прайшла апошняя кампанія па пераабранні Лукашэнкі. Але ў той жа час не выключыў, што ў будучыні нават праз імітацыю народнага волевыяўлення Лукашэнку будзе праходзіць некамфортна.
Ігар Карпенка дапусціў магчымасць, што ў будучыні народ можна будзе ўвогуле не трывожыць, працягваючы паўнамоцтвы Лукашэнкі на Усебеларускім народным сходзе.
«Цалкам магчыма абмяркоўваць гэтае пытанне, але гэта залежыць не ад ЦВК, а ад заканадаўца, волі народа, Канстытуцыі, у якой гэта ўсё прапісана. Гэта сур'ёзныя пытанні, яны няпростыя. Але яны маюць права быць, таму што вопыт падобны ёсць», — заявіў Карпенка.
Вопыт, пра які ён гаворыць — кітайскі, дзе, як вядома, кіраўніцтва краіны «абіраецца», як некалі ў СССР, на партыйных з'ездах, а на самай справе ўсе кадравыя пытанні вырашаюцца загадзя.
«Я не веру ў гэты ліберальны дэмакратызм, не веру ў гэта. Гэтая сістэма [падобная да кітайскай], на мой погляд, больш сумленная ў адносінах да свайго выбаршчыка», — заяўляе старшыня ЦВК.
Варта адзначыць, што ў выбарах дэлегатаў Усебеларускага народнага сходу, фармальна ўведзенага ў якасці найвышэйшага органа ўлады ў апошняй рэдакцыі лукашэнкаўскай канстытуцыі, народ не ўдзельнічае нават фармальна. Усіх дэлегатаў на яго вылучаюць са сваіх шэрагаў лукашэнкаўская вертыкаль і розныя праўладныя структуры.
Маркаў абвінаваціў Google у «інфармацыйных правакацыях супраць прэзідэнцкіх выбараў» і хоча зрабіць айчынны Раскамнагляд
Карпенка назваў санкцыі Захаду «высокай ацэнкай» працы ЦВК
«Ён на наступны тэрмін не будзе абірацца». Словы Лукашэнкі 26 студзеня аналізуе Мікола Бугай
«Транзіт можа адбыцца толькі пад Колю». Латушка прапануе ўважліва сачыць за кар'ерай малодшага сына Лукашэнкі
ЦВК расказаў, колькі намалявалі галасоў кожнаму з кандыдатаў
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
да, Рэд.? абяцаеце-абяцаеце? што апошняя апошняя
бо я ўжо не дажыву
Чем она более честная? Тем, что это не имитация, и что сразу видно, что народ никак не будет участвовать? За этих членов никто даже не голосует! Получается, можно назначить тех, кто выберет тебя!
ВНС вообще не вписывается в Конституцию и разделение властей.