У Палтаве 1 лютага адчуваліся прыкметныя ваганні. Верагодна, у гэтым украінскім рэгіёне адбыўся землятрус, піша «Суспільне».
Падземныя штуршкі адчуваліся каля 18:25 1 лютага. Штуршкі зафіксавалі на глыбіні 3 кіламетры паміж гарадамі Палтава і Рашацілаўска. Магнітуда штуршкоў была 3,67, паводле афіцыйных даных Галоўнага цэнтра спецыяльнага кантролю.
На афіцыйным тэлеграм-канале Дзяржаўнай службы надзвычайных сітуацый Украіны паведамілі, што, паводле папярэдняй інфармацыі, ніякіх негатыўных наступстваў гэты землятрус не прынёс, зваротаў да ратавальнікаў не было.
Мясцовыя жыхары расказалі «Суспільнаму», што, у прыватнасці, у шматпавярхоўках адчувалася, як дрыжала мэбля. У сацсетках жыхары Палтавы паведамлялі пра несанкцыянаваны рух аўтамабіляў у гаражы з-за падземных штуршкоў.
Мінулы раз такія ваганні ў гэтым рэгіёне адчуваліся ўвечары 9 лістапада 2024 года. Землятрус быў на захад ад Палтавы на глыбіні 8 кіламетраў. Яго класіфікавалі па магнітудзе 3,0 (па шкале Рыхтэра) як ледзь адчувальны.
Каментары