Грамадства7474

Айцішнік вярнуўся ў Беларусь праз камісію па вяртанні і расказаў, што не так з Іспаніяй

Гутарку прапагандысткі Ксеніі Лебедзевай з айцішнікам Дзянісам Маркіным, які расказаў, што яму не спадабалася ў Барселоне, паказаў канал «Беларусь 1». 

Дзяніс Маркін

Дзянісу Маркіну ў 2022 годзе прапанавалі павышэнне, добрую зарплату і пераехаць у Барселону з сям'ёй з поўнай падтрымкай. Ён пагадзіўся, таму што такі шанец выпадае рэдка.

«Барселона, мора. Усё выглядала выдатна, — кажа ён. — Вялікая дапамога кампаніі ў пераездзе. Мы пагадзіліся і ў кастрычніку пераехалі з сям'ёй, сына адразу там уладзілі ў школу. Тады здавалася, што гэта ўсё добра, але цяпер прыехалі, усё роўна аднагодкі яго пайшлі наперад у навучанні. Там ён вучыўся ў пятым класе, сюды мы вярнуліся, гэта чацвёрты клас, крыху адстаў», — расказвае Дзяніс. 

Паводле слоў Маркіна, «у Іспаніі не было да канца расслабленасці».

«Калі там у цябе нейкая праблема з працай, то адразу закрываюцца ўсякія ДНЖ, дакументы, і ты становішся ім не цікавы. Не ў плане, як чалавек цікавы, а ў плане, хто падаткі плаціць», — сказаў Маркін.

Акрамя таго, цэны ў Іспаніі растуць, «вялікая плынь людзей, шмат бамжоў на вуліцы, і не проста жабракоў, а вельмі страшных», «вельмі вялікая праблема з крадзяжамі», а для людзей, якія не прывыклі да ЛГБТ, будзе шок там. «Плюс яшчэ сам горад у параўнанні з Беларуссю брудны», — дадаў ён.

Кажучы пра зарплату, айцішнік сказаў, што спачатку здавалася, што там больш. «Але потым ты пачынаеш лічыць падаткі, і ўжо атрымліваецца прыкладна такі ж заробак, як мне тут плацілі. А потым, калі ўсе падлікі робіш у канцы месяца, то разумееш, што тут, нават калі атрымліваць на 30% менш зарплату, то ўсё роўна ты багацейшы.

Па сутнасці, ты туды прыязджаеш і потым не разумееш, што ты там робіш, таму што мора ўжо не так радуе. І ты разумееш, што, у прынцыпе, у Мінску можна жыць».

«Тут [у Беларусі] няма такіх мінусаў, якія там [у Іспаніі] ёсць, гэта праўда», — сказаў Дзяніс.

@belarusnovosti Белорусу не понравилось в Испании #минсксейчас #белорусы #беларусьновости #новостибеларуси #минск #айтишник ♬ Funny - D'PROJECT

Прапагандысты і сам Маркін не ўдакладнілі, чаму беларусу прыйшлося вяртацца дадому праз адмысловую камісію. «Працай камісіі скарысталіся не толькі так званыя змагары, але і грамадзяне Беларусі, якіх запалохвалі тыя ж збеглыя і іх рэсурсы, а таксама еўрапейская прапаганда», — так абазначылі прапагандысты прычыны. 

Каментары74

  • Acab
    04.02.2025
    Ў Гішпаніях нават ката мець забаронена. Сацыялістычны "парадайз" горш за БССР
  • Алекс
    04.02.2025
    Здесь главное - следить за продолжением. Потом окажется, что никакой он не айтишник, а сынок какого-нибудь председателя; что выехал он не по трудовой, а по тур. визе, а затем решил понелегалить за что и был выперт восвояси; что никаких языков кроме русского не знает; что был он не в Испании, а в Турции или ОАЭ; и вообще, что он не Денис, а Коля ))
  • Вадзім
    04.02.2025
    > для людзей, якія не прывыклі да ЛГБТ, будзе шок там

    ааа.... ну тады жэсьць вядома... спачуваю... як жа там ужо выжывеш пры такіх парадках.. тут ужо хочаш ня хочаш, вяртацца - адзінае выйсьце...

    пс... бедныя няшчасныя змушаныя глядзець на лгбт гішпанцы...

Апошняе месца працы даносчыцы Бондаравай — кругласутачная саўна. Але пасада невядомая10

Апошняе месца працы даносчыцы Бондаравай — кругласутачная саўна. Але пасада невядомая

Усе навіны →
Усе навіны

У Мінску гарэў новы тралейбус МАЗ — ВІДЭА4

Малдова назвала чатыры ўмовы па газе для Прыднястроўя3

Лукашэнка прапанаваў стварыць у Беларусі «цэнтры прыцягнення» для ўсіх канфесій4

Як склаўся лёс дзяўчыны, якая ў 2020-м запрасіла Лукашэнку на танец?6

Пяць беларускіх бізнэсаў атрымалі ад асацыяцыі ABBA па 5 тысяч еўра. Вось каму дасталіся грошы9

Трамп загадаў спыніць чаканку аднацэнтавых манет12

Пазняк заклікае Захад дзеля вызвалення палітвязняў пачаць перамовы з «гэтым варварскім рэжымам»61

«Яблычны воцат» — серыял на рэальных падзеях пра інстаграмную махлярку маштабаў, у якія цяжка паверыць1

Сёння ў мінскім аэрапорце было мінус 16°С2

больш чытаных навін
больш лайканых навін

Апошняе месца працы даносчыцы Бондаравай — кругласутачная саўна. Але пасада невядомая10

Апошняе месца працы даносчыцы Бондаравай — кругласутачная саўна. Але пасада невядомая

Галоўнае
Усе навіны →

Заўвага:

 

 

 

 

Закрыць Паведаміць