20 лютага каля 9-й вечара ў службу МНС паступіла паведамленне ад суседзяў, што гарыць кватэра ў пяціпавярхоўцы па вуліцы Мінскай у Бабруйску. Пажар ахапіў чатырохпакаёвую кватэру на першым паверсе.
Ратавальнікі знайшлі ў адным з пакояў 68-гадовага гаспадара без прыкмет жыцця.
Высветлілася, што на момант узнікнення пажару ў кватэры знаходзіўся яшчэ і 72-гадовы сваяк загінулага. Мужчына спаў у суседнім пакоі і, прачнуўшыся ад дыму, паспяшаўся выйсці на вуліцу.
Агонь знішчыў маёмасць у памяшканні, закураныя сцены і столь. Прычына пажару і абставіны гібелі мужчыны высвятляюцца.
Каментары