Зяленскі: Расіяне спецыяльна чакалі маразоў, каб зрабіць людзям найгорш
Прэзідэнт Украіны Уладзімір Зяленскі ацаніў сітуацыю ў многіх украінскіх рэгіёнах як складаную пасля расійскіх удараў па крытычнай інфраструктуры на працягу тыдня.
Паводле звестак Зяленскага, РФ за сем дзён запусціла па Украіне амаль 1100 ударных дронаў, больш за 890 кіраваных авіяцыйных бомбаў і больш чым 50 ракет розных тыпаў, сярод якіх «Арэшнік».
Зяленскі падкрэсліў, што атакі РФ не маюць ніякага ваеннага сэнсу, і назваў гэта тэрорам супраць людзей.
«Па цэлях, якія не маюць ніякага ваеннага сэнсу: энергетыка, жылыя дамы. І яны спецыяльна чакалі марознага надвор'я, каб зрабіць найгорш для нашых людзей. Гэта свядомы, цынічны расійскі тэрор менавіта супраць людзей», — кажа ён.
Ва ўкраінскай энергетычнай кампаніі ДТЭК заявілі, што цяперашняя сітуацыя з электразабеспячэннем ва Украіне — найскладанейшая за гэтую зіму.
Цяпер чытаюць
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»7
Каментары