Здарэнне адбылося ў гомельскім кафэ «Капібара». 14 лютага жанчына набыла там ролы — наўпрост на ежы пакупніца заўважыла цвіль.
Пра гэта яна распавяла ў тыктоку. Каб праверыць словы жанчыны, кафэ наведалі супрацоўнікі Гомельскага гарадскога цэнтра гігіены і эпідэміялогіі. На кухні «Капібары» яны сапраўды заўважылі парушэнні, але цвіль на вочы ім не патрапілася.
Як сцвярджае адміністрацыя кафэ, у ролах пакупніцы была не цвіль, а капялюшыкі вугра.
«Мы праверылі ўсю прадукцыю за той дзень. Адправілі абуранай пакупніцы фота капялюшыкаў вугра, якія яе збянтэжылі. Патлумачылі, што гэта не цвіль, вярнулі грошы і папрасілі прабачэння», — расказала дырэктарка «Капібары» Крысціна Турчына.
Пробы з кухні кафэ даслалі на даследаванне. Пакуль гомельская «Капібара» не працуе.
Каментары