Жанчына пяць гадоў пераводзіла грошы махлярам, каб атрымаць спадчыну брата, які нібыта загінуў у ЗША
Жанчына не бачыла стрыечнага брата 20 гадоў.
У 2020 годзе 62‑гадовая пенсіянерка стала весці перапіску праз электронную пошту з невядомай асобай, якая выведала інфармацыю пра стрыечнага брата жанчыны, якога мінчанка не бачыла больш за 20 гадоў, паведамляе Следчы камітэт.
Праз некаторы час ёй даслалі ліст, у якім паведамлялася, што той самы брат загінуў у аўтакатастрофе, а жанчына нібыта з’яўляецца адзінай спадчынніцай маёмасці на суму 100 000 даляраў.
Аферысты вялі актыўную перапіску і пераконвалі, што для атрымання спадчыны неабходна паэтапна аплачваць дзяржаўныя мыты і юрыдычную дапамогу. На працягу пяці гадоў жыхарка сталіцы рэгулярна пералічвала грошы — спачатку свае, а потым пазычала грошы ў знаёмых
Пасля чарговага запыту на аплату пацярпелая зразумела, што стала ахвярай махлярства, і звярнулася ў міліцыю.
Агульная сума прычыненай шкоды склала больш за 100 000 рублёў.
Цяпер чытаюць
Адзенне дзяўчыны, знойдзенае ў Сляпянцы, падобнае да вопраткі Яны Кастранковай — дачкі дырэктара буйнога агракомплексу2
Каментары