Грамадства1111

Вольга Лойка прапанавала «закон Ціханоўскай» для чыноўнікаў і патлумачыла, што гэта такое

«Дзядуля можа гаварыць, што ва ўсім вінаватыя беглыя, а вось чыноўнікам трэба прыдумваць больш рэальныя прычыны. Інакш навошта яны ўсе патрэбныя».

У новым выпуску аналітычнага ТОКу эканамічная аглядальніца Вольга Лойка звяртае ўвагу на тое, як беларускія чыноўнікі — у тым ліку, на яе думку, «цалкам някепскія, кшталту Дзмітрыя Мікалаевіча Крутога» — паўтараюць за Лукашэнкам рыторыку пра тое, што ў любых праблемах краіны вінаватыя так званыя «беглыя».

Каб падкрэсліць абсурднасць такой пазіцыі, аналітык звяртаецца да эпізоду з трылогіі брытанскага пісьменніка Луі дэ Берн’ера пра выдуманую лацінаамерыканскую вайсковую дыктатуру і аб няшчасным насельніцтве, якое ратуе толькі магія, кошкі і смех:

«Там вайсковы шпіталь, і вісела вялікая аб'ява, што вайскоўцам у чыне ніжэй за брыгаднага генерала забараняецца заяўляць, што гэтую дрэнь (венерычную хваробу — НН) яны падчапілі на сядзенні ўнітаза».

На погляд Лойкі, абсурдныя па сваім змесце заявы можа рабіць толькі Лукашэнка, а вось чыноўнікам варта агучваць больш праўдападобныя прычыны:

«Дзядуля можа гаварыць, што гэта нам усё беглыя падкінулі. А ўсім астатнім трэба ўсё ж думаць галавой і прыдумваць нейкія больш рэальныя, больш праўдападобныя прычыны, бо іначай не вельмі зразумела, навошта яны ўсе патрэбны».

«Калі ў вас і бульбу беглыя з'елі, і пакістанцаў збеглыя прыдумалі, і перамогу ці то выкралі, ці то спрабавалі выкрасці… Усюды вінаватыя беглыя.

Няма ніякіх беглых. Ёсць колькі там? 300-400 чалавек апазіцыі, якія рэальныя «беглыя», а астатнія — гэта проста звычайныя людзі. І калі яны вас крышку не любяць з-за межаў краіны, яны сапраўды не займаліся нейкімі ўкідамі пра пакістанцаў, дзе вы самі зрабілі ўсё, гадамі выхоўваючы гэтую ксенафобію, проста гадамі», — даводзіць аглядальніца і згадвае «закон Годвіна».

Згодна з ім, калі інтэрнэт-дыскусія працягваецца занадта доўга, рана ці позна нехта параўнае нешта з фашызмам, а кагосьці — з Гітлерам. І як толькі гэта здараецца, становіцца зразумела — у гэтага боку больш няма моцных аргументаў, ён вычарпаў лагічныя довады. І такі бок лічаць тым, які прайграў.

Святлана Ціханоўская. Фота: Jaap Arriens NurPhoto via Getty Images

Па аналогіі з гэтым Лойка прапаноўвае варыянт «закону Ціханоўскай» — умоўнае правіла, якое мусіла б дзейнічаць для чыноўнікаў:

«Я прапаную для нашых чыноўнікаў нейкі «закон Ціханоўскай»: калі вы тлумачыце нешта ўплывам беглых — вы звольненыя. Вы звольненыя, таму што ваша каштоўнасць роўная нулю.

Ну сур'ёзна, ну якія беглыя? Ну пры чым тут беглыя да пакістанцаў? «Беглыя напалохалі падлеткаў у Брэсце». Вы пераацэньваеце ўплыў беларускіх медыяў у выгнанні і ўсіх беглых, большасць з іх пра гэтых пакістанцаў нават не чулі толкам».

Каментары11

  • даведка
    11.05.2025
    Кстати, заметили, что с середины января, когда в стране начались проблемы с ценами и отсутствием белорусских овощей, на повестке возникла тема завоза трудовых мигрантов из Пакистана, из эфирной сетки БТ испарилась программа «Экономическая среда», где экономисты из власти опровергали тезисы «беглых»?
  • Беглый
    11.05.2025
    А кто такая Ольга Лойко чтобы делать заявления: "чиновникам нужно придумывать более реальные причины" и "если вы объясняете что-то влиянием беглых — вы уволены". Чиновников уволить может только Лукашенко и только он может говорить, какие причины нужно придумывать чиновникам. Если будет задача обвинять беглых во всем подряд, будут обвинять беглых.
  • м
    11.05.2025
    а теперь, товарищи, внимание - латушко - он кто?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа7

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа

Усе навіны →
Усе навіны

У Беларусі восем немаўлят да года наведваюць дзіцячы сад1

Як глабальная змена клімату адаб’ецца на Беларусі? Не зусім так, як мы ўяўляем12

Мінчанка расказала, дзе пазнаёміцца з перспектыўнымі хлопцамі ў сталіцы14

Ціханоўскі насмажыў катлет на фестывалі «Тутака»45

Наколькі дакладна можна прадказаць надвор'е на месяц? І чаму дагэтуль не папярэджваюць пра тарнада за дзень?5

З'явіцца новая дзяржава — Новая Каледонія3

Заробак 73 рублі? На заводзе патлумачылі, адкуль у іх такія вакансіі

Француз пераехаў з Ніцы ў Мінск і адкрыў пякарню12

У Мінску купілі дом за 3 мільёны даляраў. Ён у тым раёне, дзе жыве Эйсмант1

больш чытаных навін
больш лайканых навін

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа7

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа

Галоўнае
Усе навіны →

Заўвага:

 

 

 

 

Закрыць Паведаміць