Французскі аўтаканцэрн Renault разглядае магчымасць стварэння вытворчасці беспілотнікаў на тэрыторыі Украіны.
Як паведаміў прадстаўнік кампаніі агенцтву AFP, з такой прапановай да іх звярнулася Міністэрства абароны Францыі. Аднак канчатковае рашэнне пакуль не прынятае — Renault чакае «дадатковай інфармацыі ад Міністэрства», піша Bild.
Гаворка ідзе аб сумесным праекце Renault з адной з французскіх абаронных кампаній. Вытворчыя магутнасці, дзе будзе наладжаны выпуск дронаў, плануецца размясціць недалёка ад лініі фронту.
Міністр абароны Францыі Себасцьен Лекарню раней паведаміў, што адзін з найбуйнейшых аўтавытворцаў краіны ўступіць у «зусім новае партнёрства» з абароннай кампаніяй, каб разгарнуць ва Украіне зборачныя лініі па вытворчасці беспілотнікаў.
Чакаецца, што вырабленыя на месцы дроны будуць пастаўляцца ўкраінскім узброеным сілам. Акрамя таго, іх плануюць выкарыстоўваць і французскія вайскоўцы для «тактычных вучэнняў».
Каментары