У Нацыянальным аэрапорце Мінск затрымалі мужчыну, які знаходзіўся ў вышуку і спрабаваў перасячы мяжу з часткова падробленым расійскім пашпартам.
Як паведамляе Дзяржаўны пагранічны камітэт, затрыманне адбылося ўвечары 10 чэрвеня падчас афармлення рэйсу са Стамбула. Пашпарт, які падаў памежнікам мужчына, выклікаў падазрэнне. Пры дадатковай праверцы высветлілася, што старонка з асабістымі данымі ў дакуменце была замененая, што сведчыць пра яго частковую падробку.
Згодна з інфармацыяй ДПК, мужчына знаходзіцца ў вышуку ў Расіі за махлярства. Яго затрымалі і змясцілі ў ізалятар часовага ўтрымання ГУУС Мінгарвыканкама.
За спробу незаконнага перасячэння мяжы яму пагражае штраф да 100 базавых велічынь (каля 4200 беларускіх рублёў). Акрамя таго, выкарыстанне падробленых дакументаў — гэта ўжо крымінальнае злачынства, за якое прадугледжана абмежаванне волі тэрмінам да двух гадоў.
Беларус прыехаў з Польшчы абнавіць пашпарт, а стаў фігурантам крымінальнай справы з забаронай на выезд. І пытанне не ў палітыцы
У Брэсце затрымалі расіяніна, які спрабаваў заехаць у Польшчу па ўкраінскім падробным пашпарце
«Паперка, а не падстава для выезду». Беларуса з польскім праязным дакументам не пусцілі на самалёт
Каментары