У выніку штурму адмінстрацыі горада Талас былі шпіталізаваныя больш за 20 чалавек.
У выніку штурму адмінстрацыі горада Талас былі шпіталізаваныя больш за 20 чалавек.
6 красавіка 2010 года ў горадзе Талас на захадзе Кыргыстана прайшоў шэраг масавых акцый пратэсту. У ходзе іх мітынгоўцы двойчы займалі будынак адміністрацыі. Супраць удзельнікаў акцыі задзейнічалі спецназ. У ход пайшлі гумовыя кулі і слезацечны газ. Ёсць пацярпелыя з абодвух бакоў, у шпіталях апынуліся 24 чалавекі.
На 7 красавіка былі запланаваныя лакальныя акцыі пратэстаў апазіцыі ва ўсіх рэгіёнах краіны, паведамляе інфармацыйнае агенцтва «Фергана.Ру». Прычынай нездаволенасці апазіцыі стала тое, што ўлады не выканалі ранейшыя патрабаванні, сярод якіх зніжэнне тарыфаў, вяртанне прададзеных стратэгічных дзяржаўных прадпрыемстваў, спыненне пераследу апазіцыі, зняцце з афіцыйных пасадаў бліжэйшых сваякоў дзейснага прэзідэнта краіны Курманбека Бакіева ды інш. Афіцыйныя ўлады адказалі на аўторкавыя штурмы таласкай адміністрацыі арыштамі апазіцыйных лідэраў па ўсёй краіне. Акрамя таго, у Кыргыстане ў аўторак былі сур’ёзныя праблемы з доступам на сайты, размешчаныя ў зоне .kg.
На канфлікт ў Кыргыстане адрэагаваў генсек ААН Пан Гі Мун, які ў аўторак 6 красавіка знаходзіўся з візітам у Казахстане. Ён выказаў заклапочанасць паведамленнямі пра захоп адміністрацыйнага будынку ў Талаве і заклікаў бакі да дыялогу.
Цяпер чытаюць
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1111
Каментары