З 23 па 27 чэрвеня праводзяцца лётна-тактычныя вучэнні з авіяцыяй Ваенна-паветраных сіл і войскаў супрацьпаветранай абароны, паведамляе Мінабароны.
На вучэннях будуць адпрацоўвацца пытанні:
— вывядзення авіяцыйных падраздзяленняў з-пад умоўнага ўдару сродкаў паветранага нападу праціўніка;
— авіяцыйнай падтрымкі войскаў, што ажыццяўляюць пошук, блакіраванне, знішчэнне наземнага праціўніка;
— нанясення авіяцыйных удараў па наземных цэлях;
— знішчальнага прыкрыцця іншых родаў авіяцыі;
— вядзення паветранай разведкі;
— нанясення авіяцыйных удараў па выяўленых цэлях;
— выканання транспартна-дэсантных задач;
— адбіцця ўдараў сродкаў паветранага нападу праціўніка;
— эвакуацыі лётнага складу, які пацярпеў бедства.
Таксама паведамляецца, што асноўная ўвага будзе нададзена ўдасканаленню камандзірскай падрыхтоўкі і практычных навыкаў лётных экіпажаў у ходзе вядзення баявых дзеянняў, выпрацоўцы ў асабовага складу высокіх баявых і маральна-псіхалагічных якасцяў.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары