Падчас адборачных заездаў «Кубка Садружнасці» па картынгу, які праходзіць у Стайках пад Мінскам, адбылася сур'ёзная аварыя. На трасу раптам выехаў карт без пілота, у выніку чаго адзін з удзельнікаў — майстар спорту з Брэста Барыс Іваноў — атрымаў траўму і быў шпіталізаваны, піша «Анлайнер».
На адным з паваротаў удзельнік спаборніцтваў вылецеў з трасы і пачаў заводзіць свой карт, аднак тэхніка завялася хутчэй, чым спартсмен паспеў у яе заскочыць. Карт самастойна паехаў па трасе ў хаатычным кірунку і ўрэзаўся ў іншы карт пад кіраваннем Барыса Іванова, які ў той момант рухаўся на высокай хуткасці (прыкладна 80-90 км/г).
Першапачаткова ў спартсмена падазравалі пералом рукі, але дыягназ не пацвердзіўся.
Нягледзячы на здарэнне, Барыс захоўвае пазітыўны настрой і нават жартуе, просячы «сабраць новы карт да заўтрашняга дня». Тым не менш, спартсмен заявіў пра паўзу ў кар'еры.
Цяпер чытаюць
Святлана Ціханоўская едзе ў Нью-Ёрк. Яна можа перасекчыся з прадстаўнікамі Лукашэнкі, але галоўную інтрыгу пакуль не раскрываюць8
Каментары