У фінальным матчы ў нядзелю згуляюць еўрапейскія клубы: «Чэлсі» і ПСЖ.
«Чэлсі» ў сваім паўфінале ў аўторак перамог бразільскі «Флумінэнсе» 2:0, а ПСЖ учора разграміў мадрыдскі «Рэал» з лікам 4:0.
Фінал пройдзе ў нядзелю ў Іст-Рутэрфордзе і пачнецца а 22-й па мінскім часе.
Клубны чэмпіянат свету па футболе — спаборніцтва, у якім бяруць удзел пераможцы еўрапейскай Лігі чэмпіёнаў, паўднёваамерыканскага Кубка Лібертадорэс, аналагаў у Паўночнай Амерыцы, Афрыцы і Азіі, а таксама некаторыя клубы з найлепшым рэйтынгам.
Упершыню ў турніры, што праходзіць у ЗША з 14 чэрвеня па 13 ліпеня бралі ўдзел 32 каманды, што былі разбітыя на восем групаў.
ПСЖ — пераможца Лігі чэмпіёнаў у 2025 годзе, «Чэлсі» выйграў турнір у 2021 годзе.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары