Грамадства2020

У 18-м пакеце санкцый — чатыры беларускія кампаніі і завод «Легмаш», прадугледжваюцца захады супраць беларускіх банкаў

У пятніцу 18 ліпеня краіны ЕС падпісалі новы пакет санкцый супраць Расіі і Беларусі з-за вайны ва Украіне, у тым ліку паніжэнне абмежавання цэнаў на экспарт нафты з Расіі.

«ЕС толькі што ўхваліў адзін са сваіх самых моцных на сённяшні дзень пакетаў санкцый супраць Расіі», — заявіла кіраўніца знешняй палітыкі ЕС Кая Калас.

«Мы яшчэ больш скарачаем ваенны бюджэт Крамля, пераследуем яшчэ 105 караблёў ценявога флоту, іх пастаўшчыкоў і абмяжоўваем доступ расійскіх банкаў да фінансавання.

Трубаправоды «Паўночны паток» будуць забароненыя, адбудзецца паніжэнне абмежавання цэн на нафту.

Мы аказваем большы ціск на расійскую ваенную прамысловасць, кітайскія банкі, якія дазваляюць абыходзіць санкцыі, і блакуем экспарт тэхналогій, што выкарыстоўваюцца ў беспілотніках», — адзначыла Кая Калас.

Пад санкцыі трапіў найбуйнейшы нафтаперапрацоўчы завод «Раснафты» ў Індыі, яны таксама закранулі тых, хто займаецца ідэалагічнай апрацоўкай украінскіх дзяцей на акупаваных тэрыторыях.

«Мы будзем працягваць павышаць кошт агрэсіі, каб яе спыненне стала адзіным шляхам для Масквы», — заявіла Калас.

18-ы пакет санкцый ЕС супраць Расіі таксама ўключае новую забарону на транзакцыі, звязаныя з газаправодамі «Паўночны паток» і «Паўночны паток-2», а таксама паніжэнне абмежавання цэн на расійскую сырую нафту ў межах G7 прыблізна да 47,6 долара за барэль, паведамілі агенцтвы са спасылкай на дацкага дыпламата.

18-ы пакет санкцый прадугледжвае таксама санкцыі супраць беларускіх банкаў і прадпрыемстваў ваенна-прамысловага комплексу.

У падрыхтаваным пакеце фігуруюць чатыры беларускія кампаніі, што дзейнічаюць у галіне абароны і ваеннай прамысловасці. Еўракамісія прапануе замарозіць іх актывы і забараніць вядзенне бізнесу на тэрыторыі ЕС.

Паводле дакументаў, да якіх атрымала доступ «Радыё Свабода», адным з прадпрыемстваў, што трапіць у санкцыйны спіс, стане аршанскі завод «Легмаш».

Альянс расследнікаў Беларусі яшчэ ў траўні 2024 года заявіў, што гэты завод можа працаваць на расійскую вайсковую прамысловасць — вырабляць дэталі снарадаў для расійскіх сістэм залпавага агню БМ-21 «Град». ЗША ўвялі санкцыі супраць прадпрыемства ў жніўні 2024 года. Пазней «Легмаш» трапіў пад санкцыі Канады і Вялікабрытаніі.

Акрамя ўключэння новых прадпрыемстваў, Еўракамісія прапанавала пашырыць сектаральныя абмежаванні для Беларусі. Сярод іх — поўная забарона на аперацыі з беларускімі банкаўскімі структурамі (раней яна тычылася толькі фінансавых паведамленняў — SWIFT), цяпер гэта пераўтвараецца ў поўную забарону транзакцый.

Таксама ўпершыню пад забарону трапляе імпарт узбраенняў з Беларусі ў ЕС.

Каб узмацніць кантроль за абыходам санкцый, ЕС прапануе пашырыць спіс тавараў і тэхналогій, што могуць быць выкарыстаны для ўмацавання беларускай вайсковай і прамысловай базы. Гэта, у прыватнасці, машыны, хімікаты, асобныя віды металаў і пластмас. Забараняецца таксама транзіт шэрагу тавараў праз тэрыторыю Беларусі.

Каментары20

  • Язэп
    18.07.2025
    [Рэд. выдалена]
  • а нічога
    18.07.2025
    Санкцыі - топ, як папярэднія былі толькі падставай для росту прыбыткаў прыкарытнікаў (гл. Рабочы Рух), так і гэтыя будуць. Пакуль не возьмуцца за тых, хто абыходзіць санкцыі на тэрыторыі ЕЗ : усялякія латышскія, эстонскія, польскія і кіпрскія кампаніі і далучыўшыйся да іх Дорнаў з вялікім герцагствам Люксембург....
  • Ж
    18.07.2025
    Дык Легмаш і ў Менску ёсьць, там і прыпынак а/тр. аднайменны побач.

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць