Затрымалі 15-гадовую закладчыцу наркотыкаў, ёй пагражае да 20 гадоў зняволення
Аператыўнікі наркакантролю Магілёўшчыны па падазрэнні ў збыце наркотыкаў затрымалі 15-гадовую школьніцу, паведамляе прэс-служба МУС.
Скрыншот відэа МУС
Прапанову аб злачынным заробку дзевяцікласніца знайшла ў інтэрнэце. Ад куратара яна атрымала спасылку на наркамаркет, прайшла навучанне і стала кур'ерам.
Дзяўчына атрымлівала партыі наркотыку, фасавала і распаўсюджвала праз закладкі ў лесе ў Магілёве.
Дзяўчыну затрымалі на гарачым падчас выканання чарговага задання. Пры ёй, а таксама ў тайніках было выяўлена і канфіскавана асабліва небяспечнае псіхатропнае рэчыва 4-СМС.
Заведзена крымінальная справа за незаконны абарот наркотыкаў з мэтай збыту. Падлетак папрацавала на наркашоп каля месяца, ёй пагражае да 20 гадоў пазбаўлення волі.
Адказнасць за падобныя злачынствы наступае з 14-гадовага ўзросту.
У міліцыі папярэджваюць, што ў перыяд летніх канікул павялічваецца колькасць выпадкаў уцягвання падлеткаў у такую злачынную дзейнасць, і заклікаюць бацькоў цікавіцца, чым займаюцца дзеці.
«Калі ў дзіцяці з’явіліся грошы невядомага паходжання, гаджэты або іншыя каштоўныя рэчы? Ён вядзе патаемныя перапіскі ў інтэрнэце? Ёсць падстава насцярожыцца!» — заклікаюць у міліцыі.
Каментары
зоны забиты этим персонажами, повально занимающимися там здоровому образу жизни и саморазвитию. так забавно наблюдать за ними. самые правильные люди на планете сразу становятся )))
чаще всего на "хлебных" местах. и чем место теплее, тем быстрее они оттуда уходят. треть из них реально отматывает 6-8 лет и потом либо УДО, либо замена.
эти 6-8 лет для них там примерно как для политических 3-4. хотя молодость конечно не вернешь в любом случае.