Аператыўнікі на вакзале затрымалі кур’ера махляроў: ён спрабаваў вывезці за мяжу 90 000 рублёў
63-гадоваму мінчуку на хатні тэлефон патэлефанаваў нібыта супрацоўнік «Белтэлекама» і пад выглядам падаўжэння дамовы на аказанне паслуг атрымаў пашпартныя даныя пенсіянера, паведамляе «Міліцыя Мінска».
Далей у месенджары паступіў званок ад нібыта праваахоўніка, які напалохаў мужчыну тым, што ашуканцы ад яго імя здзяйсняюць незаконныя фінансавыя аперацыі. Каб захаваць зберажэнні, іх трэба задэклараваць, інакш у кватэры пройдзе вобшук, а наяўныя грошы будуць канфіскаваныя.
Мінчук паверыў і перадаў каля 90 000 рублёў у эквіваленце кур’еру, што прыехаў.
Сышчыкі Першамайскага РАУС устанавілі, што грошы заяўніка забраў 37-гадовы жыхар сталіцы. Фігурант збіраўся адвезці грошы ў суседнюю дзяржаву, але быў затрыманы на вакзале.
Раней мужчына сам стаў ахвярай махляроў: узяў крэдыты ў банках і пералічыў на ўказаныя імі рахункі больш за 50 000 рублёў.
Заведзена крымінальная справа за махлярства.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары