Сенатар вырашыў пракаментаваць перамовы Дональда Трампа і Уладзіміра Пуціна ў самым паўночным амерыканскім штаце. І ўзгадаў, што на Алясцы захаваліся праваслаўныя цэрквы.
Міхаіл Русы паразважаў аб сустрэчы Трампа і Пуціна ў праграме Марата Маркава. Міністр інфармацыі згадаў, што некалі Аляска была рускай зямлёй, а цяпер стала амерыканскай правінцыяй.
Русы ж лічыць, што Аляска і цяпер руская зямля. Ён згадаў, што там захаваліся праваслаўныя цэрквы. Відаць, былы віцэ-прэм'ер лічыць гэта маркерам рускасці.
«Я чытаў нядаўна, для мяне таксама было цікава, што гэта месца быццам бы вызначана самім Богам. Якраз вялікае рэлігійнае свята праваслаўнае. І цэрквы ў Анкорыджы захаваліся нашы праваслаўныя.
Я думаю, гэта сімвалічна, што на гэтай зямлі, на рускай зямлі, будзе прынята нейкае рашэнне, якое дазволіць зрабіць крок да міру. Напэўна, рашэнне будзе прынята», — лічыць Русы.
Расійская імперыя каланізавала Аляску на мяжы XVIII-XIX стагоддзяў, а ў 1867 годзе прадала паўтара мільёна квадратных кіламетраў ЗША за 7,2 мільёна долараў. Цяпер пра расійскае мінулае самага вялікага па плошчы амерыканскага штата нагадваюць толькі хіба тыя ж праваслаўныя цэрквы, некаторыя геаграфічныя назвы і асобныя імёны і прозвішчы.
Мэр Ліды: Маё сэрца заўсёды належала Расіі. Усебакова падтрымліваю тую місію, якую яна выконвае
Сустрэча Трампа і Пуціна пачнецца а 22-й гадзіне
Сяргей Лаўроў прыбыў на Аляску на перамовы Трампа і Пуціна ў кофце з надпісам СССР
Як спецслужбы ЗША рыхтуюць сустрэчу Трампа і Пуціна на Алясцы
Трамп спадзяецца на добрую сустрэчу з Пуціным, але не лічыць яе самай важнай
Крэмль: Падпісання дакументаў па выніках перамоў Пуціна і Трампа не плануецца
Каментары