Цеплавізар не выявіў прыкмет жыцця ў альпіністкі, якая зламала нагу на вышыні 7000 метраў
Ратавальнікі змаглі падняць да месца знаходжання альпіністкі дроны з высокадакладным абсталяваннем, нягледзячы на складаныя ўмовы надвор'я.
Расійская альпіністка Наталля Нагавіцына, якая знаходзілася на вышыні каля 7000 метраў на Піку Перамогі ў Кыргызстане, імаверна, загінула, паведаміў Дзяржаўны камітэт нацыянальнай бяспекі краіны.
Нягледзячы на складанае надвор’е і моцны вецер, выратавальныя службы здолелі падняць беспілотнікі з высокадакладным абсталяваннем і правесці аэраманіторынг з дапамогай цеплавізара.
Аднак, як гаворыцца ў афіцыйным паведамленні, «прыкмет жыцця на месцы знаходжання альпіністкі не выяўлена».
У аперацыі ўдзельнічалі вайсковыя беспілотнікі.
Наталля Нагавіцына загінула практычна на той жа вышыні, дзе чатыры гады таму памёр яе муж. На піку Хан-Тэнгры мужчыну паралізавала, і яна заставалася з ім да апошняга. А калі іх прыйшлі вызваляць ратавальнікі, змаглі эвакуіраваць толькі жанчыну. Выратаваць мужа не ўдалося.
Пазней Наталля зноў паднялася на пік Хан-Тэнгры і ўстанавіла там памятную шыльду.
З пачатку жніўня ў гарах Кыргызстана загінулі трое замежнікаў, яшчэ некалькі чалавек атрымалі цяжкія траўмы.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»30
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары