Знойдзены пад Віцебскам бівень маманта магло прынесці туды талымі водамі
На месцы знаходкі трохметровага біўня маманта ў Віцебскім раёне прадстаўнікі Інстытута гісторыі Нацыянальнай акадэміі навук Беларусі правялі даследаванні і ўзялі ўзоры дэвонскіх крамянёў. Пра гэта БелТА паведаміў галоўны спецыяліст упраўлення культуры Віцебскага аблвыканкама Дзяніс Юрчак.
У Віцебскім раёне, дзе ў пачатку жніўня кіроўцы, якія распрацоўвалі кар'ер «Шалыгі», знайшлі бівень маманта, сёння пабывалі навуковыя супрацоўнікі Інстытута гісторыі НАН Беларусі Аляксандр Вашанаў і Алег Ткачоў. Яны правялі абследаванне месца знаходкі.
Па словах спецыялістаў, у кар'еры прадстаўленыя водна-ледніковыя адклады паазерскага абледзянення, тоўшча якіх ўтвараецца розназярністымі пяскамі з уключэннем буйных галек і валуноў.
«Падобная насычанасць абломачным матэрыялам сведчыць пра даволі магутныя водныя патокі. Пры гэтым прадстаўленыя таксама ў стратыграфіі водна-ледавіковыя адклады дробназярністых пяскоў, якія маркіруюць больш спакойныя водныя патокі. Менавіта ў адкладах і быў знойдзены бівень. Найбольш верагодна, што ён з'яўляецца пераадкладзеным і быў прынесены сюды талымі водамі, бо побач няма іншых костак. Дакладны ўзрост маманта можа быць вызначаны ў выніку правядзення радыёвугляроднага даследавання», — паведаміў Дзяніс Юрчак.
Ён дадаў, што прадстаўнікі НАН таксама агледзелі размешчаны непадалёк даламітавы кар'ер «Гралёва» і ўзялі для вывучэння ўзоры дэвонскіх крэмняў — ападкавай пароды, якая змяшчае закамянеласці арганізмаў.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары