У мясцовасці пад Віцебскам, дзе знайшлі бівень маманта, правядуць археалагічнае даследаванне
Раней паведамлялася, што пад Віцебскам у час дарожных работ, будаўнікі натрапілі на ўнікальную знаходку — цалкам захаваны бівень маманта. Ён амаль не пашкоджаны і захаваўся больш чым на 90%. Гэта стала падставай для таго, каб на гэтую мясцовасць звярнуць больш пільную ўвагу.
Як растлумачыў кіраўнік Цэнтра археалогіі Беларусі Інстытута гісторыі НАН Аляксей Аўласовіч, археолагі збіраюцца правесці падрабязнае даследаванне ўчастка, дзе быў знойдзены бівень.
Першасныя вынікі паказваюць, што пакуль няма прыкмет таго, што ў гэтым месцы калісьці быў чалавек, таму, верагодна, знаходка не з’яўляецца археалагічным артэфактам. Аднак канчатковае меркаванне можна будзе зрабіць толькі пасля грунтоўных навуковых работ.
Аляксей Аўласовіч падкрэсліў, што хоць археалогія вывучае перадусім жыццё людзей, маманты таксама цікавяць даследчыкаў, бо яны жылі ў адну эпоху з чалавекам. Часам на костках і біўнях такіх жывёл можна заўважыць сляды апрацоўкі або выкарыстання чалавекам.
Плануецца, што бівень папоўніць фонды новага будынка Нацыянальнага гістарычнага музея, дзе яго змогуць пабачыць наведвальнікі.
Цяпер чытаюць
Ціханоўская едзе ў Нью-Ёрк. Яна можа перасекчыся з прадстаўнікамі Лукашэнкі, але галоўную інтрыгу пакуль не раскрываюць25
Каментары