У Вілейскім раёне трактарыст творча перапрацаваў правы кіроўцы свайго бацькі
У Вілейскім раёне міліцыя праводзіла праверку дакументаў у кіроўцаў. Адзін з іх, мужчына 1976 года нараджэння, які ехаў на трактары МТЗ, паказаў пасведчанне трактарыста-машыніста, аднак у сілавікоў узніклі сумненні ў яго сапраўднасці.
Дакумент накіравалі на экспертызу. Спецыялісты падчас яе вызначылі, што пасведчанне было падроблена: у ім паставілі іншы здымак і выпраўлялі дату нараджэння — да «4» дададзеныя штрыхі, каб атрымалася «8».
Мужчына прызнаўся, што некалькі гадоў таму яго пазбавілі правоў, таму ён узяў пасведчанне свайго бацькі, замяніў фатаграфію і падправіў год нараджэння, спадзеючыся, што гэта застанецца незаўважаным.
Цяпер матэрыялы справы перадалі ў Вілейскі раённы аддзел Следчага камітэта для прававой ацэнкі.
Цяпер чытаюць
Пачобут паразважаў, ад чаго залежыць будучыня Беларусі9
Каментары