Расійскі спявак Шарлот, які парваў свой пашпарт, прасіў адправіць яго з калоніі на вайну
Асуджаны ў Расіі па справе аб рэабілітацыі нацызму і абразе пачуццяў вернікаў спявак Эдуард Шарлот прасіў адправіць яго з калоніі на вайну. Пра гэта распавёў яго бацька, паведамляе «Новая газета. Еўропа».
«Размова такая была. Хацеў паехаць на вайну, потым — не, потым, быццам, зноў з’явілася такое жаданне, але яму сказалі «не». Там было незразумела, у якасці каго ён паедзе», — падкрэсліў мужчына.
Пазней ён удакладніў, што першапачаткова калонія была гатовая падтрымаць ідэю Шарлота паехаць на фронт, але пазней адмовіла з-за нейкіх парушэнняў з боку артыста.
У снежні 2024 года суд прыгаварыў Шарлота да 5,5 года калоніі па справе аб рэабілітацыі нацызму і абразе пачуццяў вернікаў. Падставай сталі чатыры відэа: у адным з іх ён парваў літару Z, у другім — спаліў расійскі пашпарт, у трэцім — прыбіў ваенны білет да крыжа з партрэтам Патрыярха Кірыла, у чацвёртым — «перарабіў тэкст песні «Дзень Перамогі» з яўна абразлівым зместам». Спявак на пэўны час пакідаў Расію і быў затрыманы па вяртанні.
У жніўні Шарлота перавялі з калоніі-пасялення ў папраўчую калонію з-за таго, што артыст парушаў рэжымныя патрабаванні і настройваў іншых асуджаных на адмоўна скіраваныя паводзіны.
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца9
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары