Стала вядомай прычына, па якой забаранілі спектакль «Сёстры Грым» у сталічным Тэатры лялек
Спектакль паводле казак братоў Грым у рэжысуры Яўгена Карняга не прыняла адпаведная камісія, палічыўшы яго надта «чорным». Такой інфармацыяй падзялілася з Reform.news крыніца з тэатральных колаў.
Прэм’ера пастаноўкі «Сёстры Грым» павінна была адбыцца ў новым сезоне сталічнага Тэатра лялек, але была адменена.
«Камісія, якая прымала спектакль, палічыла яго «чорным» і надта змрочным, каб даць яму «зялёнае святло», — расказала крыніца.
Прычым тое, што новы спектакль — гэта адноўленая версія слыннай і вельмі папулярнай пастаноўкі для дарослых «Інтэрв’ю з ведзьмамі», якая ішла на сцэне тэатра больш за шэсць гадоў, нікога не збянтэжыла.
Прэм’ера «чорнай» камедыі павінна была адбыцца ў верасні. Але літаральна за дзень прэм’еры на сайце тэатра з’явілася паведамленне, што спектакль адмяняецца па «тэхнічных прычынах». Прычым былі знятыя па тых жа прычынах і паказы пастаноўкі ў кастрычніку. У афішу «Сёстры Грым» так і не вярнуліся.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары
Бо манаполія на чорнае ў дзяржавы.
(І на карычневае).