У Мінгарвыканкаме расказалі, дзе ў сталіцы яшчэ будуць будаваць новае жыллё
У Мінску будуць будаваць новае жыллё на некалькіх буйных пляцоўках, расказала Ірына Гонтарава, старшыня камітэта будаўніцтва і інвестыцый Мінгарвыканкама. Яна, аднак, адзначыла, што ў горадзе будаўніцтва жылля будзе скарачацца, піша БелТА.
Па даручэнні Лукашэнкі штогод уводзіцца ў эксплуатацыю не больш за 500 тысяч квадратных метраў жылля ў Мінску. Цяпер рэалізуюцца некалькі буйных праектаў.
У комплексе «Мінск-Свет» ідзе заключная стадыя будаўніцтва, асноўная частка жылля будзе здадзена да канца гэтага года. У наступным годзе там застанецца толькі 10—12 дамоў, пасля чаго будаўніцтва на гэтай тэрыторыі завершыцца.
Адной з новых буйных пляцовак з’яўляецца «Паўночны бераг». Праект ужо распачаты, дамы будуюцца і ўводзяцца ў эксплуатацыю, агульная плошча праекта складзе больш за 5 мільёнаў квадратных метраў жылля.
Вольных зямельных участкаў у Мінску ўжо фактычна няма. Цяпер праводзіцца знос двухпавярховых дамоў у прыватным сектары, тэрыторыі ачышчаюцца пад новыя забудовы. Такія тэрыторыі, аднак, перадаюцца толькі камунальным прадпрыемствам горада і выкарыстоўваюцца для будаўніцтва жылля для грамадзян, якія стаяць на ўліку як тыя, хто мае патрэбу ў жыллі. Камерцыйным заказчыкам гэтыя тэрыторыі не прадаюцца, а аўкцыёны на будаўніцтва жылля ў горадзе не праводзяцца.
Адной з перспектыўных пляцовак для будаўніцтва жылля з’яўляецца мікрараён Зялёны Бор. Тут плануецца пабудаваць каля 4—4,5 мільёна квадратных метраў жылля. Ужо пачалася распрацоўка праектавання пад’язных дарог і неабходных інжынерных сетак. Пляцоўка вялікая, таму праект будзе рэалізаваны паэтапна і распрацаваны да 2040 года. Мэта — забяспечыць жыллём усіх грамадзян, якія маюць патрэбу. Акрамя жылля, у Зялёным Бары будуць пабудаваныя школы, дзіцячыя сады і паліклінікі.
Усе пляцоўкі, ачышчаныя ў папярэднія гады, цяпер у працы. Паскоранымі тэмпамі ідзе забудова мікрараёна Лошыца, а па праспекце Дзяржынскага ўжо праведзены асноўны знос прыватнага сектара.
Квадратны метр у Мінску ўжо па $1850. Колькі яшчэ будзе працягвацца рост?
Завяршаецца будоўля на Валгаградскай. Як там усё выглядае цяпер
У Драздах прадаюць дом, які пабудаваў былы прэм'ер Навіцкі на льготны крэдыт
«Цячэ дах, адключылі святло, часткова разрабавалі». Такі дом здаюць у арэнду ў Мінску
Самую дарагую кватэру ў Мінску ў верасні прадалі за 470 тысяч даляраў
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі10
Каментары